ការប្រកួតវគ្គផ្ដាច់ព្រាត់រវាងថៃនិងឥណ្ឌូនេស៊ីបានក្លាយទៅជាការប្រកួតដ៏តានទឹងបំផុតក្នុងប្រវត្តិសាស្ត្រ SEA Games ក្នុងវិញ្ញាសារបាល់ទាត់បុរស ដែលបានប្រព្រឹត្តទៅក្នុងថ្ងៃទី ១៦ខែឧសភាឆ្នាំ២០២៣ នៅពហុកីឡដ្ធានអូឡាំពិក ក្នុងឱកាសដែលកម្ពុជាធ្វើជាម្ចាស់ផ្ទះ SEA Games 2023។
នៅក្នុងការប្រកួតនេះបានចំណាយពេលរហូតដល់ទៅ ១២០នាទី ពោលគឺលទ្ធផល៩០នាទីក្រុមទាំងពីរបានត្រឹមស្នើគ្នា ២ ទល់នឹង ២ ហើយមានការបន្ថែមម៉ោង ១៥នាទីពីរដង និងបញ្ជប់ទៅជាមួយលទ្ធផល ឥណ្ឌូនេស៊ី ៥ និង ថៃ ២។
ក្នុងការប្រកួតនៅក្នុងម៉ោងបន្ថែមលើកទីមួយមានការប៉ះទង្គិចគ្នាជាខ្លាំងរវាងក្រុមទាំងពីរដែលធ្វើឲ្យអាញ្ញាកណ្ដាលចាយកាតលឿងនិងកាតក្រហមជាច្រើនសន្លឹក ពោលគឺខាងឥណ្ឌូនេស៊ីទទួលបានកាតលឿង ៤ សន្លឹក និងកាតក្រហម ១ សន្លឹក ចំណែកខាងថៃវិញទទួលបានកាតយ៉ាងក្រាសក្រែលពោលគឺ កាតលឿង ៧ សន្លឹក និងកាតក្រហម ៣ សន្លឹក ដោយនេះគិតតែចំពោះកីឡាករប៉ុណ្ណោះ។ ដោយឡែកក្រុមការងាររបស់ក្រុមទាំងពីរក៏ទទួលបានកាតក្រហមផងដែរកំឡុងពេលមានការប៉ះទង្គិចនោះកើតឡើង ដែលឥណ្ឌូនេស៊ីបាន ២សន្លឹក និងថៃបាន សន្លឹក។
និយាយជារួចការប្រកួតមួយនេះអាចរាប់ជាការប្រកួតដ៏អក្រក់បំផុតរបស់ SEA Games តាំងពីការបង្កើតឡើងលើកដំបូងក្នុងឆ្នាំ 1959មក។
